【明報專訊】民建聯今屆有4名新丁入立法會，其中喺九龍東贏出嘅柯創盛（Wilson），有無正規碩士學歷問題備受關注。Wilson噚日出席傳媒茶敘再被追問畢業證書一事，佢強調自傳媒報道後已經即刻聯絡學校，但學校要經唔同部門處理，所以仍然等緊回覆，預計唔到對方幾時覆。佢話已經委託律師幫手跟進，「有消息就通知大家」，又強調自己有學士同碩士證書，擺咗喺屋企，但喺校方回覆前唔會公開，因唔想向外發出錯誤信息。