【明報專訊】立法會參選人搵至少10個、最多20個選委提名，先可以入閘。Emily日前翻查立法會選委會界別參選人嘅提名，睇吓政黨領導嘅提名畀邊個，新民黨主席葉劉淑儀就跨黨「加持」咗參選人工聯會麥美娟，而麥美娟同時獲所屬工聯會嘅理事長黃國提名。麥美娟本身因立法會議員身分係選委，但佢就無喺呢個界別用提名權。而事實上，黃國係麥美娟嘅選舉對手，黃國嘅提名中包括民建聯主席李慧琼。至於參選九龍中直選嘅李慧琼，提名主要來自民建聯黨友。