【明報專訊】農曆新年氣氛漸濃，經民聯喺社交媒體同友好預早祝賀，上載咗一條賀歲宣傳片，一眾黨領導及議員「現身」。其實短片係用人工智能（AI）技術創作，將各人變成卡通人物，仲話主題曲創作及演唱均由AI一手包辦。

呢條賀歲片都有主題，就係「熊貓經濟」，AI經民聯議員同AI大熊貓一齊開新年派對，片中穿插佢哋一啲經濟政策倡議及訴求，例如降低烈酒稅、發展低空經濟、恐龍經濟等，片尾一眾成員搭大熊貓火箭飛上太空發放賀歲煙花畫面，話寓意香港喺新一年繼續蓬勃發展。