【明報專訊】深水埗前區議員梁文廣噚日報名出戰立法會九龍西直選，現任九西立會議員、經民聯梁美芬同立法會九西前議員陳凱欣站台。梁文廣只以「西九新動力」牌頭出戰，而月前參選選委會則報稱政治聯繫係經民聯。被問到點解唔用經民聯牌頭，佢話感謝經民聯培育佢，亦支持佢參選，解釋「要團結所有建制派」。係咪已退出經民聯？佢重申經民聯畀好多支持佢，15個獲得嘅選委提名，亦有來自經民聯。