【明報專訊】立法會選舉12月舉行，提名期今個月30號展開，唔少資深建制派都唔爭取連任，例如進出口界議員、民建聯黃定光（象哥，圖）。早排傳出象哥接班人、香港中華出入口商會副會長黃英豪或要轉去選委會界別參選，象哥或要再坐一會，但近日據聞黃英豪會喺番進出口界出選。象哥噚日被問係咪終可退下火線，佢話自己都做咗17年議員，同期嘅黨友曾鈺成、陳鑑林等都已經離開咗立法會，佢反問：「仲唔夠皮咩？」黃英豪對於會唔會參選，同Emily講暫不評論。