【明報專訊】民主派初選案多個被告還押已經半年有多，當中港大法律學院前副教授戴耀廷（Benny）早前因為佔中案上訴失敗，要服餘下刑期。民主黨林子健噚日喺facebook出post，話自己同中大崇基學院神學院副教授龔立人去探Benny，透露Benny已經完成佔中案嘅刑期，因其他案轉為還押身分，不過仍被當甲級囚犯看待，要單獨囚禁，囚友都係殺人犯。不過林子健就叫大家唔使擔心，話Benny同囚友相處融洽，仲會偶然傳吓福音。