【明報專訊】民主派已經總辭，但涉及立法會嘅案件餘波未了。今年5月8日立法會內會衝突中，民主黨尹兆堅報稱被民建聯黃定光、無黨派何君堯「批踭」，阿尹事後就事件報警，佢噚日接到警方通知，警方話經查證後，認為證據不足以對任何人提出起訴。阿尹批評警方同政府雙重標準，選擇性政治逼害民主派，打壓民主聲音。佢話唔會輕言屈服，將會同律師商討，唔排除就案件作私人檢控。