【明報文章】黃先生屋企斜對面有個公園仔，每日上落班都經過。有日有人放咗大件三尖八角又紅又黑嘅嘢，話係畀公眾欣賞嘅公共藝術。黃先生仲未買飛去藝術館睇藝術，雖然知道𠵱啲公共藝術好貴，但始終唔知佢講乜亦都冇興趣，每日返工放工都望到佢，不過橫掂冇乜人嚟睇，遊客更加冇啦，既然冇乜唔方便，擺幾個星期就算啦。跟住個星期，佢買馬打麻將都輸，公司跟開個計劃又爆大鑊，佢開始覺得無啦啦喺佢屋企附近擺件唔知佢係乜嘅藝術品，唔單止浪費金錢，仲整壞風水帶嚟衰運，於是極憤怒。