【明報專訊】區選勝出者即將上任區議員，唔少候任議員都搵緊地方開辦事處及準備物資。東區區議員徐子見上星期喺facebook批評，政府取消容許議員將12月購買嘅物資計入來年1月開支，以及容許議員預支最多7萬蚊作為租用辦公室或購買物資嘅政策，對新一屆區議員極不公平，係政治打壓。民政事務總署同日回覆Emily查詢，話「區議會議員酬金、津貼和開支償還款額安排的指引」當日已上載總署嘅網站，各區議會秘書處會通知候任議員，候任區議員喺今年12月支付有關開設及營運辦事處嘅開支，可於明年1月向秘書處申領。