【明報專訊】網媒米報記者梁柏堅成為區選民主派贏家之一，出戰灣仔大佛口選區，以1723票擊敗爭取連任嘅民建聯李均頤。但選舉當日，佢無好似其他候選人咁洗樓拉票，反而繼續留喺理大採訪，連點票過程都無睇到，咁就成功當選。Emily噚日喺理大見到佢，佢話「覺得喺理大比出去拉票揮手更重要」，仲話做區議員都係想服務他人，覺得留喺理大係「做番人應該做嘅嘢」。Emily問佢喺理大咁耐攰唔攰，佢就話平時行開山，慣咗資源比較匱乏嘅生活喎。佢不眠不休咗40個鐘，噚日終於喺facebook話從理大撤退。