【明報專訊】深受港人歡迎嘅「美國廚師牌雞肉腸」，其美國生產商上年申請破產保護，令廚師腸供應受影響，部分商舖當時更「炒貴」廚師腸圖利。幾個月後，由廚師腸香港代理大昌行開設嘅facebook專頁噚日向大家報喜，透露「經過多個星期嘅努力，終於可以同大家預告，廚師腸好快就會返嚟啦！」帖文一日吸咗約3000個讚好同「心心」。