【明報專訊】立法會噚日舉行新春午宴，特首林鄭月娥率領一眾問責官員、行政會議成員同高級公務員赴會，建制派逾30名議員出席，民主派議員則全體缺席，亦未有喺場外請願。宴會後林太未有回應傳媒民主派缺席係咪代表行政、立法關係不佳，民主派會議召集人毛孟靜就形容民主派同林太關係「麻麻」，好難坐低把酒言歡咁話。