【明報文章】肥媽拍六號，《食好D 食平D》，第七輯，長做長有。肥媽，有實力，有諗頭，用茄子煎蛋餅，成塊蠔餅咁，一絕！有個魚翅瓜，我都用過嚟煲湯，瓜肉好似魚翅，一梳梳。肥媽藝高人膽大，竟把瓜肉刨出，當意粉煮，素食朋友一定喜歡。各種菜式，快、靚、好味，屋企易學易整。肥媽、六號，一個有霸氣，另一個口衰衰，兩條友串串貢，節奏明快，兩人性格爽快，真係好sell得。