【明報專訊】年近歲晚，議員都多落區同市民接觸，做咗區議員多年嘅民建聯九龍東立法會議員柯創盛（柯仔），早前就同地區團體合作，與觀塘區議員譚肇卓、顏汶羽等去到牛頭角彩德邨送禮，但唔係蛇齋餅糉，而係向居民送贈頸巾同「衣食無憂」揮春，柯仔好識冧長者，親手為佢哋戴上頸巾。柯仔話頸巾只能令大家「身」暖，期望政府月底公布嘅預算案可以派吓糖、還富於民，市民先可以身心皆暖、生活無憂。