【明報專訊】Emily最近逛旺角花墟，見到太子道西和園藝街有一排活化咗嘅唐樓群。發展局長黃偉綸（Ｍichael）噚日喺網誌話，呢排唐樓係本港市區最長相連嘅戰前「騎樓」式唐樓群之一，復修工程已經做完，單位全部租出，地舖主要賣鮮花同園藝用品，樓上單位做商業同文化用途，引入咗非牟利機構、茶藝鑑賞同陶藝工作坊等新租客，其中一幢畀社聯管理同營運，活化成為社企生活平台。