【明報專訊】小朋友做功課，好多時都要用間尺度吓長度，但劉小朋友早排做功課，就發現度親都錯，醒目嘅劉爸爸無鬧囝囝，反而對阿仔呢把政府贈送、印有衛生署標誌嘅橙色間尺起疑，於是拎咗另外兩把間尺拍埋一睇，發現「原來政府送間尺嘅20cm，等如正常間尺嘅20.4cm」，大罵政府「錯到離譜」。有網民就講笑話「政府的尺度果然不同」。