【明報專訊】立法會財委會噚日審議教育新資源時火花四濺，喺會議開咗大約5個鐘，主席陳健波（波哥）為會議「劃線」，限制議員作最後一輪發言，呢個時候有泛民要求加會，波哥就回應話，議員再搞落去，撥款就表決唔到，又寄語議員如果唔想教育界葉建源「心臟病發」，就唔好再拖延喇，意指葉建源好想撥款通過。