【明報專訊】立法會秘書處公布新一屆議員嘅《個人利益登記冊》，唔少議員都有收到「選舉捐贈」幫補吓選戰期間嘅宣傳費。令人意外嘅係，今屆12名自動當選嘅功能組別議員當中，有9人都收過選舉捐贈或贊助，好似金融界陳振英（圖）嘅申報文件，就顯示佢收咗中銀香港20,734元捐贈。佢噚日同Emily解釋，當時喺中銀借咗間「房仔」畀佢做競選辦公室，嗰2萬幾蚊就係租金。