【明報專訊】剛卸任立法會主席嘅曾鈺成噚日重返議會，同一眾議員分享議會經驗。歷時兩個鐘嘅分享會喺朝早9點半開始，26名新丁議員中至少有13人出席，民建聯周浩鼎一早到達，可能食唔切早餐，佢喺議事廳食蕉同三文治充飢；而工聯會陸頌雄就不時用雙手搲面，唔知係唧緊暗瘡定搣鬚根呢，但都有唔少議員專心抄筆記。