【明報專訊】立法會建築、測量及都市規劃界功能界別議員謝偉銓（Tony）今日將榮升外父，佢嘅千金會同任職金融界男友結束愛情長跑，拉埋天窗。咁開心嘅喜事，當然要同大家分享。Tony噚日帶咗幾盒喜餅，特別派畀喺立法會嘅記者，又透露婚禮酒會邀請咗過百政商界朋友參加，包括認識多年、曾經係同行測量師嘅特首梁振英。