【明報專訊】特首梁振英噚日喺行政會議前，主動同傳媒講「國際標準」，佢話《基本法》好多規定都唔係跟所謂國際標準，例如特首要由中央任命、香港唔需要向中央上繳任何稅收等。CY講到好似事事毋須跟國際標準咁，但係Emily喺政府網頁輸入「國際標準」四個字搜尋，發現好多政府部門喺推動政策同訂立新規管時，官員都強調一定要跟國際標準。有機構仲話，唔跟國際標準，會影響香港聲譽𠻹。