【明報專訊】一直為弱勢社群爭取福利嘅工黨立法會議員張超雄，噚日喺立法會口頭質詢社署轄下為輕度弱智兒童而設嘅「兒童之家」情况。佢話現時「兒童之家」入住年齡上限係18歲，認為無法照顧到一啲滿18歲又未讀完書嘅弱智人士。估唔到金融界嘅吳亮星都關注社福問題，發言問官員，「本會（立法會）成員係咪有優先安排子女使用兒童之家嘅安排？」此言一出，部分議員私下嘩然，唔知吳亮星係咪想影射張超雄有一個智障女兒。