【明報專訊】陳家樂（Walter）今年9月接替退任嘅鄔滿海出任房協主席，唔經唔覺已上任100日，房協嘅facebook小編話要幫Walter搞百日宴慶祝，於是同Walter拍咗條片，順便訪問佢嘅上任百日感言。Walter喺片段笑言，房協一直好慳家，唔使搞百日宴啦，仲話自己「亦算係過咗試用期」。佢話上任後見過唔少團體同議員，又去咗唔少飯局，「最有價值梗係唔係食嘅部分，最重要係大家交換咗唔少意見」。