【明報專訊】政務司長張建宗噚日出席「北區花鳥蟲魚展覽2018」，司長親自出席地區展覽開幕，算得上非常重視；原來佢同北區、以致呢個展覽都大有淵源。張建宗致辭時話自己到北區係返「娘家」，原來佢1986年擔任北區政務專員，係首名華人出任，因此對北區好有感情。佢話當時住喺太子道，作為「九龍仔」去未城市化嘅北區返工係「一個教育」，又話當時辦事處無現時咁方便，但已留意到北區好有潛質。