【明報專訊】特首林鄭月娥今日起至下周五（28日）離港休假，佢噚晚喺facebook上載短片，預祝市民聖誕快樂，並希望大家新年身體健康、家庭幸福快樂。短片加插唔少相片，包括林太帶埋丈夫林兆波同細仔林約希，同官員出席禮賓府聖誕活動，及去年同家人去桂林旅行嘅相。至於今次休假去邊，林太就賣關子，話大家留意佢fb就知喇。