【明報專訊】九龍城區議會主席楊永杰噚日宣布周五報名參選立法會九龍中直選，佢搵嚟3個喺人生、從政路上對佢影響深遠嘅人站台，包括兩名九龍城區議會前主席鄧寶匡、劉偉榮。劉偉榮發言時右手震得好厲害，話「等咗今日多年」，雖然自己身體情况唔穩定，其實唔方便講嘢，但楊參選「唔講嘢唔得」，大讚楊將個心放咗喺社區，叫大家支持佢。聽到呢度，楊永杰表現得有啲感觸，用手抹眼。