【明報專訊】立法會前議員何秀蘭（Cyd）因前年參與「8．18流水式集會」，早前被判入獄8個月，佢喺獄中都有留意牆外娛樂動態，話男團Mirror同Error冒起係「拆大台」嘅象徵。佢話有留意相關嘅社會文化分析，又話佢哋嘅歌無論作曲、填詞都好好，加上佢哋本身嘅天分同努力，紅得有道理。Cyd嘅facebook噚日刊出佢回信畀筆友嘅內容，有筆友同佢講Mirror之外，亦有人同佢傾周冠威嘅電影新作，Cyd話可惜佢𠵱家睇唔到，明年出嚟會上網睇番。佢又提到80後生於香港黃金年代，以前有黃霑、梅艷芳、張國榮、新浪潮電影，而大時代下都會產生更精煉嘅創作。