【明報專訊】香港運動員喺東京奧運會贏得一金兩銀三銅佳績，政府就同港協暨奧委會安排運動員代表，聽日（周四）朝早喺九龍坐巴士巡遊，據知參與嘅包括兩銀「女飛魚」何詩蓓，「女子乒團」銅牌得主杜凱琹、李皓晴、蘇慧音，以及空手道女子個人形銅牌得主劉慕裳。市民如果想一睹運動員風采，可以去途經路線同佢哋揮手歡呼。男子個人花劍金牌得主張家朗及獲銅牌嘅「牛下女車神」李慧詩就因為喺內地備戰全運會，未能參與。