【明報專訊】夏日炎炎，鍾意游水嘅市民又多一個好去處。全長約200米嘅大埔龍尾泳灘聽日（23日）啓用，設有更衣室、淋浴設備等，噚日一班大埔區議員去視察，發現有唔少問題。區議員胡耀昌話，泳灘上有大量隨海浪冲上岸嘅發泡膠粒，有啲體積較細，泳客有可能唔小心吞落肚。胡耀昌話，龍尾泳灘係香港以人工破壞自然生態嘅「慘痛教訓」，形容泳灘出現發泡膠粒，「真有一種自食其果的諷刺」。