【明報專訊】民主派立選初選案36人仍在還押，立法會前議員邵家臻、張超雄噚日去探前同事朱凱廸。阿臻引述阿廸話，現時讀緊歷史書，了解中共歷史、反右運動嘅始末；每日會用盡「放風」嘅一小時曬太陽，希望皮膚再黑啲。佢亦建議大家睇吓靜修書，幫助自己平靜。至於早前唔少囚友投訴獄中酷熱難耐，阿臻引述阿廸話，具體感受到懲教署做緊嘢，包括加裝滾筒扇、「期數（工作場所）」人數亦由70多減至60。阿臻都表示「唔該晒懲教署」。