【明報專訊】東區區議員張國昌退出民主黨，佢回覆查詢時話，係因為家庭原因退黨，被問係咪同《港區國安法》或區議員宣誓有關，佢話冇補充。張國昌退黨後，民主黨目前有87個區議員。民主黨主席羅健熙就話，喺過去兩星期收到張嘅退黨通知，暫時未聽聞仲有其他人退黨；至於有關區議員宣誓，阿熙話下月黨內會正式討論，然後再向大家交代。