【明報專訊】疫情下市民仲未可以出外旅遊，政府就話會為旅客重臨做好準備。旅遊事務署噚日推出「城市景昔」項目，喺中環、尖沙嘴13個指定地點，利用擴增實境（AR）技術，重新設計旅客指示標誌，市民下載手機應用程式，再掃描標誌上嘅「AR時鐘」，就可以睇到由歷史照片同本地青年藝術家畫作整合而成嘅360度全景歷史圖像，即場對比今昔景觀，亦可睇到主要地標嘅相關資訊。