【明報專訊】油尖旺區議會日前開大會，破紀錄開咗16.5小時，由星期一（20號）早上10點，開到星期二（21號）凌晨兩點半。當區區議會副主席、公民黨余德寶同Emily講，真係辛苦秘書處同事，區議員都可以行開吓去廁所、食個飯，但秘書處同事就要寫會議紀錄，唔可以走開。余德寶仲話，大家中午有1個鐘午飯時間，晚餐就有5至10分鐘，而當區民政事務專員蔡亮幾乎坐足個會，「佢九成時間喺度」。