【明報專訊】17個區議會由民主派主導，建制派各出其謀繼續議政，監察區議會。警務處長鄧炳強噚日出席荃灣區議會會議，建制網媒「港人講地」就邀請咗喺區選中落敗、當區區議會前主席黃偉傑同前議員羅少傑做直播點評，做咗接近兩個鐘。黃偉傑做總結時話，進入社交媒體年代，議員都會爭取「喺鏡頭上有畫面」，或者會令議會正常秩序被干擾，但佢覺得噚日會議冇佢想像中咁誇張，起碼冇人爬上枱、掟嘢，但氣氛都算激烈。