【明報專訊】民主動力召集人、東區區議員趙家賢上月初被咬甩耳廓，噚日出席港台《城市論壇》時，左耳仲貼住紗布。佢同Emily講，上星期五去東區醫院覆診，主診醫生話佢嘅傷口位置可能成世都有神經線錯亂問題，如果揭開紗布，少少空氣流動都會令佢覺痛，亦可能會誤以為自己隻耳郁緊、有暖水掂緊，或有麻痹感覺；暫時要觀察兩三星期，視乎感覺有無改善。佢亦因為神經線影響出現「五十肩」，要定期做物理治療。