【明報專訊】唔少素人喺區議會選舉勝出，個別勝選者因外形亮眼成焦點，喺觀塘月華當選嘅梁凱晴仲紅到去日本，獲封「香港綾瀨遙」。噚日佢出席港台《城市論壇》後被問到呢件事，就尷尬咁笑住話「高攀唔起」呢個稱呼，形容自己係好普通嘅女仔，相信可能因為從政嘅女性較少，一旦有女性從政會令人「耳目一新」、引起較大迴響，但都希望大家注意番佢哋嘅區務工作。