【明報專訊】現年77歲嘅醫院管理局主席梁智仁將於11月底卸任，由中信泰富前董事總經理范鴻齡接任。梁智仁喺前線服務公營醫療38年，做過公開大學校長逾10年，回顧出任醫管局主席嘅6年，佢形容經歷咗唔少「風風雨雨」，寄語新主席要聽多啲前線及行政人員意見。佢話工作咗54年，係時候退休，否則太太會有微言話「3次都退唔到休」。