【明報專訊】綽號「光頭警長」嘅警署警長劉澤基，喺反修例風波中成為內地「網紅」，開設微博戶口後多次點評時政，日前佢又發帖講嘢，仲誤以為區選有160萬「廢票」，搞到政府要澄清。立法會議員田北辰似乎都幾不滿，噚日立法會對公務員事務局長羅智光作口頭質詢時，佢不點名指有公務員批評政府官員、「增加兩地矛盾」，仲問羅智光「你點忍呀？」