【明報專訊】歌手阮民安（Tommy）近月不時現身反《逃犯條例》修訂嘅活動，為示威者打氣，因此爆紅。佢噚日推出新歌《煲底之約》MV，就係講示威者嘅共同願望，希望日後大家可以相約喺「煲底（立法會示威區）」，除低口罩相認。呢首新歌班底強勁，由阮民安作曲、被視為大作家嘅民主黨立法會議員鄺俊宇（鄺神）填詞；MV仲勁，搵嚟香港眾志周庭擔任女主角。首歌可以話係充滿本土MK味。