【明報專訊】噚日網民發起多區商場「和你SHOP」，爆發警民衝突。其中喺沙田，警察到乙明邨制服多個示威者，咁啱區議會選舉「乙泉」選區候選人、現任議員丘文俊喺邨入面擺緊街站拉票。丘文俊見到警察，就開咪講咗句「請警方克制」，有個防暴警用胡椒噴霧指住佢，大叫「我哋只係執法」；其他警察都幫口，話丘文俊「唔係我嘅區議員」，唔需要理佢。