【明報文章】警察記者會，阿sir長篇大論，臚列香港警察威水史：全世界專業排行榜名列前茅，嚴謹執法，有規有矩，服務的滿意指數持續高企，香港犯罪率屢見新低。跟住，阿sir嘴藐藐，嚴厲指摘示威者誣衊警方，破壞警方聲譽。勇武少男少女，如果光明正大，點解唔夠膽揭開面罩？如果係證據確鑿，請正式投訴！問題係，我哋睇到直播，市民講兩句，就畀差佬衝埋去打到爆頭。即係咁，人哋見到你目無法紀，你就大大聲話，警察光明正大，如果你唔係傻嘅，就係無賴！知唔知無恥兩個字點樣寫？