【明報專訊】浸大學生會會長方仲賢月初去鴨寮街買激光筆（又稱觀星筆）畀警察拉，之後好多市民湧去尖沙嘴太空館外「觀星」，齊齊用激光射向太空館個「菠蘿包」，話要測試吓到底係咪真係如警方所講咁具破壞力。有facebook專頁就透露，有市民電郵太空館查詢佢哋外牆狀况，點知太空館又真係回信喎，話仔細檢查過館內外設施，「事件中沒有造成任何財物損壞」。Emily向當局查詢，獲確認封電郵係太空館發出嘅。