【明報專訊】唔少社會賢達近月都為香港局勢發聲，前財爺曾俊華噚日撰文反問大家要繼續互相指摘，抑或願意放下仇恨重新對話；佢形容既然大家係一家人，就有可能做到最難嘅寬恕、和解，又引述印度聖雄甘地所言「以眼還眼，只會令天下盲目」。不過呢篇文受到唔少人質疑，其中中大學生會前會長王澄烽就話「我們都是一家人」、「寬恕與和解」道理永遠唔會錯，但同現實就有萬丈鴻溝。