【明報專訊】反修例爭議未停，近日網上流傳一幅圖，係民主黨立法會議員林卓廷獲頒嘅「好市民獎」證書，簽發證書嘅係「警務處長盧偉聰」，連全國政協常委胡定旭都被擺埋上枱！有市民日前包圍沙田新城市廣場客戶服務中心，要求商場交代喺周日警民衝突中嘅角色。阿廷當晚現身話周日見到有人帶鐵枝入廣場，佢職員影到相，呼籲市民唔好作暴力行為，立即被批評「割席」，引嚟噓聲。相信有人藉呢件事玩幽默，創作出一張「好市民獎」證書。