【明報文章】全世界驚奇香港人可以咁勇猛面對橫蠻政權，而如此高水平的公民，卻被一班如此低水平的人管治。林母的真誠謙卑道歉，一開始人影都唔見，叫你手下寫幾行字，她所用的「真誠」二字，純屬「你食咗飯未」之類的廢話。湯大狀我頂你唔順，死雞撐飯蓋，話暫緩係公義輸給政治。盲嘅都知道，修例本身係政治啦。譚耀宗見完中方官員，向記者說，今次風波，係外國勢力，有六十七次外國發嘅聲明。他說的時候心虛氣弱，連自己好像也不相信自己的說話，還說什麼「字字千金」。大佬，外國勢力一直都存在，香港國際都會，周圍都有鬼佬，推波助瀾一定有，但單單幾十個聲明，又或者背後有CIA、FBI、M16……都搞唔到兩次百萬行，傻的嗎！