【明報專訊】民主黨主席胡志偉過去兩日不停穿梭立法會外嘅示威場地，噚日朝早汗流浹背咁同記者做訪問，批評警方前日暴力鎮壓年輕人，繼早前喺立法會特首答問會鬧林鄭月娥，佢再次怒斥林鄭「幾時死」。行會成員、新民黨主席葉劉淑儀噚日喺facebook話胡志偉「算是個受過教育的人。他反對修法，應拿出理據。不應一再惡言相向，咒人去死！太過份了！」言論引來多個網民「跟隊形」咁留言反駁，最後一句都用上「太過份了！」做結尾。