畀明報攝記發現喺示威點 戴口罩謝偉俊 差幾步潛到立會
文章日期:2019年6月14日

【明報專訊】周三大批示威者包圍立法會抗議修訂《逃犯條例》,示威者大都係著黑衫,有人戴口罩,Emily嘅攝記同事好眼利,當日朝早喺人群中發現都係著黑色T恤、戴口罩嘅建制派立法會議員謝偉俊,佢喺被示威者佔領嘅地方行去立法會方向,打扮完全同示威者無異;當日下晝佢出現喺中區警署接送建制派議員嘅專車上。Emily聽聞,佢事後同其他議員分享呢次經驗,話自己由會展出發,喺人群中「潛吓潛吓」差幾步就返到立法會,但功虧一簣被《明報》記者發現。

這是明報教育網-訂戶專區,進入本區前,請先登入系統...