【明報專訊】民建聯中委前晚開會，通過委任港大MBA畢業生、初創企業創辦人施永泰做新一屆嘅青年民建聯主席，8月上任。不過，青民內部就有微言，話施永泰喺民建聯內名聲唔響，又無政績，以往主席起碼係民記中委，但佢只係普通會員就上到主席位。施永泰同Emily講，佢冇特別「背景」，阿爸都係因為佢加入咗民建聯，然後跟住加入；獲委任相信係因為自己有多方面嘅經驗，熟悉青年關注嘅創業、創新同創科，所以領導層願意畀機會同信任新人。