【明報專訊】《逃犯條例》修訂全城關注，「保公義撐修例大聯盟」個聯署開始咗個多月，話已有50萬人簽名；反修例一方嘅聯署聲明亦如雨後春筍，多間中學、大專嘅校友都發起聯署，呢兩日更有人號召「全港九新界離島師奶」同「李健駕駛學校校友及教職員」現身，聯署反修例。前者嘅聲明話，「師奶每日都好盡力去完成照顧家庭的工作，無論幾疲憊，作為社會一份子，我地有責任出黎（嚟）反送中」。