【明報專訊】香港公廁衛生水平係點，市民都好有體會，而原因之一係有啲人使用時無品。「清潔龍阿德」噚日就話，政府會推廣如廁禮儀，由佢呢個公廁KOL，提醒大家去得乾淨啲。政府會喺全港13區共36個公廁，放置告示板同錄音聲帶，宣傳使用洗手間六大守則，叫大家保持公廁清潔。其實呢啲守則都係「阿媽係女人」之言，好似叫大家如廁後冲廁、要洗手、正確使用吹風機等。呢啲咁基本嘅事，市民仍然要再教育，Emily真係無言。